Trappa var stofnuð árið 2014 af Þorbjörgu Helgu Vigfúsdóttur og Tinnu Sigurðardóttur, en tilkoma Tröppu var bylting í aðgengi að þjónustu talmeinafræðinga og annarra sérfræðinga við landsbyggðina.

Árið 2023 fór Trappa af stað með rafrænt sérfræðitorg í samstarfi við Köru Connect til að mæta enn frekari kröfum um sérfræðiaðstoð til handa börnum, foreldrum og fagaðilum.

Á sérfræðitorginu eru margir fagaðilar með fjölbreytta sérfræðiþekkingu, til að mynda sálfræðingar, kennarar, lestrarsérfræðingar, talmeinafræðingar og hegðunarráðgjafar.

Með tilkomu sérfræðitorgsins geta foreldrar, fagaðilar og opinberir aðilar leitað ráðgjafar fagaðila varðandi einstök málefni barna með skömmum fyrirvara.